رد: تعالوا نتعرف على بعض

من طرف رجل المستحيل الإثنين أكتوبر 08, 2007 8:33 am

dooby كتب:السلام عليكم ورحمه الله وبركاته
انا عضوة جديدة وعجبني المنتدى جدا
ولاني من هواة القراءة فحبيته على طول
ويا ريت تقبلوني معاكم في المنتدى
واحب اعرفكم بنفسي

انا دوبي من المنصورة
وعندي 20 سنة
وفي اخر سنة في كلية تربية

وكل عام وانتم بخير

و عليكم السلام و رحمة الله و بركاته

أهلاً بيكى أختى دوبى ..

ازيك .. عاملة إيه ..

و إيه أخبار كلية تربية .. خلاص هانت .. كلها سنة و إن شاء الله هتكونى مدرسة أد الدنيا ..

و كويس جداً إنك تكونى بتحبى القراءة ..

أكيد إن شاء الله هتخرجى لينا أجيال من المثقفين اللى يقودوا الأمة لاستعادة أمجادها ..

زمانك بتقولى ياه إيه الكلام الكبير ده .. أنا أعمل كل ده ..

إن شاء الله تقدرى عليه و أكتر .. و الأيام بيننا

نورتى المنتدى ..

كل عام و انتى بخير

من طرف رجل المستحيل الإثنين أكتوبر 08, 2007 8:42 am

gevara2000 كتب:السلام عليكم ورحمة اللة وبركاتة
بصراحة فكرة التعارف دى فكرة جميلة جدا . احب اهنيكو عليها
انا اسماعيل من مصر وبعمل فى قطر
وبشتغل محاسب فى شركة اوراق مالية
ومن هواياتى الشعر والموسيقى ومشاهدة كرة القدم
وكمان مشاهدة الافلام الاجنبية
ومن الممثلين براد بيت وانجلينا جولي وجوليا روبرت
وبحب جدا جمال عبدالناصر وجيفارا
وبحب قراءة الكتب السياسية والروايات العالمية خصوصا لشكسبيروكل الروايات اللى بيتكشف ابعاد النفس البشرية.
وشكرا ليكو جميعا وللجهد اللى بتعملوة وياريت تقبلونى صديق.

و عليكم السلام و رحمة الله و بركاته

أهلاً بيك أخى اسماعيل .. كيف حالك ..

هكلمك بالمصرى .. عشان زمان العامية المصرية وحشتك ...

إيه أخبارك .. و إيه أخبار الحياة فى قطر ..

و إيه رأيك فى الحياة فى قطر مع إخوتنا الأحباب هناك .. يا ترى حسيت باختلاف عن الحياة فى مصر ..

انت أكيد حسك راقى و أفكارك عميقة و همتك عالية و جرأتك كبيرة .. حسيت كده من هواياتك ومن حبك لجمال و جيفارا

إنما بالنسبة للصداقة .. فأنا هكون سعيد جداً إذا كنت صديق ليك ..

نورت المنتدى ..

و كل عام و انت بخير

من طرف رجل المستحيل الإثنين أكتوبر 08, 2007 3:04 pm

buffy كتب:
ازيكوا عاملين ايه اخباركوا ايه فنكوا مش بتدخلوا ليه يارب يكون خييييير ولما تدخلوا طمنونى عليكوا

ازيييييييييييك يا دوبى نورررررررررتى المنتدى كله ويارب تبقى مبسوطه معانا وربنا يوفقك فى اخر سنه ليكى فى الكليه ويلا يا ستى يا بختك كلها سنه وتخلصى الدور والباقى علينا بقى

وازيك يا اسماعيل نورت المنتدى كله وربنا يوفقك فى شغلك وعلى فكره انا برضه بمووووووووووووووووووووووووووت فى الافلام الاجنبيه وبحب كل الممثلين اللى انت قولتهم وبحب كل انواع الافلام الجنبيه بس الاكشن مش اوى ويارب المنتدى يعجبك ومستنين مشاركتك

الحمد لله يا سارة .. إحنا بخير

أغلب الشباب هنا مختفيين عشان الدراسة ..

بس يا ريت ييجوا كده يطمنونا إنهم بخير ..

شكراً على سؤالك يا سارة ..

و مستنيينكوا يا هيثم و عمرو و إيهاب و مصطفى و نيرمين ..

و أهلاً بيكى مرة تانية د مها ..

من طرف buffy الثلاثاء أكتوبر 09, 2007 5:16 pm

ازززززززززززززززززززززززززززززيكوا عاملين ايه اخباركوا ازيك يا محمد اخبارك انا كنت افتكرتكوا هاجرتوا ولا حصل لكم الحاجه الحمد لله انك بخير يا محمد وياريت نرمين وهيثم وعمرو وايهاب يدخلوا ويطمنونا عليهم ويارب يكونوا بخير

وكل سنه وانتم طيبين بمناسبه العيد

ها جبتوا لبس العيد ولا لسه

من طرف bookworm الإثنين أكتوبر 15, 2007 9:17 pm

ازيكوا يا احلى أصحاب

وحشتونى وحشتونى وحشتونى كلكوا كدة على بعضكوا
بافى حبيبتى وحشتينى جدا
و محمد وهيثم وايهاب وعمرو الكل الكل
معلش كنت مشغولة كتير فى رمضان ونزلت اشتغل
و حجات كتير كدة
اما بالنسبة للأعضاء الجداد الف اهلا وسهلا بيكوا كلكوا
دوبى واسماعيل
و كل الناس الجداد معلش لو كنت نسيت حد
باى
على فكرة يا بافى فين تعليقك على قصتى

من طرف silver_hawk0018 الثلاثاء أكتوبر 16, 2007 11:03 am

هاااااااااااااااااااااااااااااى

وحشتووووووووووونى موووووووووووت

يــــــــــصحابىـــــــــــا

والله وحشنى اوى

انتوا عاملين ايه وفينكم يا جماعة ؟

ربنا يقويكى فى المذاكرة يا سارة study

وانتى يا نرمين فينك محدش بيشوفك ولا انتى ولا عمرو ولا ايهاب

وانت يا محمد مش كدة متسألش عليا ماشى هعديها المرة دى

اهلا وسهلا بالاعضاء الجداد كلهم نورتوا المنتدى ويا رب تستفادوا وتفيدوا

يلا بقى عشان مطولش عليكوا

بحبكم اوووووى

ياريت تطمنونى عليكم

باااااااااااااااااااااااى

من طرف lion103 الجمعة أكتوبر 26, 2007 12:10 am

حلوة الفكرة

من طرف Aimano الإثنين نوفمبر 12, 2007 3:58 am

حسنا يبدو انه لا مناص من اعرفكم بنفسي

اعرف ان هذه الخطوه جائت متاخره بعض الشيء ولكني لا احب ان اكون مثل الزائر الخفيف فانا حيثما اذهب اكون صاحب مكان, قد لا تقبلون ذلك ولكنه للاسف واقع فرض عليكم اتمنى من الله الا يكون واقعا كئيبا

اعتقد انه من حقي عليكم ان تتمنو لي اقامه طيبه في منتداكم الذي شدني كثيرا

حان الوقت ان اعلن عن شخصي البسيط

اسمي كاملا:أيمن علي احمد محمود بدر العزب
العمر:19 عاما من يوم ولدت
العمر الحقيقي:11 عاما من اول يوم امسكت فيه كتابا
محل الاقامه:متنقل بين عده محافظات وليس لي مكان ثابت وان كان آخر مكان ثابت لبثت به مده طويله هي محافظه بورسعيد
المهنه:طالب في كليه التجاره جامعه الازهر
الميول الادبيه:كل ما يكتب على الاوراق وليس له علاقه بالطب فانا اعتقد انه شيئاً جديرا بالقراءه
الميول الفنيه:استمتع بالمسرح التجريبي واعشق يحيى الفخراني وذهبت الى مسرحيه الملك لير مرتين حتى الان واستمتع بغناء محمد ثروت في دارالاوبرا المصريه
الميول السياسيه:معارض حتى تنصلح الاوضاع او يحين الاجل
اكبر عيوبي:التدخين والعناد
اكبر مميزاتي:حب الناس وحب مصر
مهنه كنت اتمنى الالتحاق بها:المحاماه
منصب اتمنى ان اشغله:رئيس جمهوريه

اعتقد اني بهذا اوجزت شخصيتي في سطور

دمتم في حفظ الله ورعايته

من طرف fat7ii 2008 الإثنين نوفمبر 12, 2007 1:12 pm

اولا احب ان اعرفكم بنفسى
الاسم: محمد فتحى
السن: 16 سنه
على فكره انا معجب جدا بالمنتدى
انا دلوقتى فى 3 ثانوى
عايز اخش كليه طب او اسنان
هممممممممممممممممممممم !!!!!!
جبت كام فى 2 ثانوى جبت 98
ويا ريت اجيب نفس المجموع فى سنه 3
طبعا بحب الروايات زى ملف المستقبل و ما وراء الطبيعه و فانتازيا
ومعجـــــــــــــــب جدا بروايات هارى بوتر
بحب مين من الممثلين: يحيي الفخرانى واحمد عز وعادل امام واحمد حلمى
ما بحبش اوى الافلام الاجنبى الا الافلام اللى فيها مخلوقات غريبه زى
harry potter و the lord of the rings
الهوايه المفضله: كره القدم والقراءه study

السلسله المفضله لدى :ما وراء الطبيعه
بـــــــس كده متهيألى وشكرا

من طرف رجل المستحيل الأحد نوفمبر 25, 2007 8:18 pm

lion103 كتب:حلوة الفكرة

أهلاً بيك أخى ليون

كويس إن فكرة سارة عجبتك

يا ريت تدخل بقى و تعرفنا بنفسك

من طرف رجل المستحيل الأحد نوفمبر 25, 2007 8:20 pm

Aimano كتب:حسنا يبدو انه لا مناص من اعرفكم بنفسي

اعرف ان هذه الخطوه جائت متاخره بعض الشيء ولكني لا احب ان اكون مثل الزائر الخفيف فانا حيثما اذهب اكون صاحب مكان, قد لا تقبلون ذلك ولكنه للاسف واقع فرض عليكم اتمنى من الله الا يكون واقعا كئيبا

اعتقد انه من حقي عليكم ان تتمنو لي اقامه طيبه في منتداكم الذي شدني كثيرا

حان الوقت ان اعلن عن شخصي البسيط

اسمي كاملا:أيمن علي احمد محمود بدر العزب
العمر:19 عاما من يوم ولدت
العمر الحقيقي:11 عاما من اول يوم امسكت فيه كتابا
محل الاقامه:متنقل بين عده محافظات وليس لي مكان ثابت وان كان آخر مكان ثابت لبثت به مده طويله هي محافظه بورسعيد
المهنه:طالب في كليه التجاره جامعه الازهر
الميول الادبيه:كل ما يكتب على الاوراق وليس له علاقه بالطب فانا اعتقد انه شيئاً جديرا بالقراءه
الميول الفنيه:استمتع بالمسرح التجريبي واعشق يحيى الفخراني وذهبت الى مسرحيه الملك لير مرتين حتى الان واستمتع بغناء محمد ثروت في دارالاوبرا المصريه
الميول السياسيه:معارض حتى تنصلح الاوضاع او يحين الاجل
اكبر عيوبي:التدخين والعناد
اكبر مميزاتي:حب الناس وحب مصر
مهنه كنت اتمنى الالتحاق بها:المحاماه
منصب اتمنى ان اشغله:رئيس جمهوريه

اعتقد اني بهذا اوجزت شخصيتي في سطور

دمتم في حفظ الله ورعايته

أهلاً بيك يا أيمن

لما قرأت تعريفك بنفسك حسيت إنك شخصية رائعة و مثقفة

انتظر لك مستقبل رائع بالمحاماة

و إن شاء الله يستفيد المنتدى بيك .. و تستفيد منه

اعتقد إنه فخر لبورسعيد إنك تكون من سكانها الآن

ربنا يبارك فيك و يوفقك

من طرف رجل المستحيل الأحد نوفمبر 25, 2007 8:26 pm

fat7ii 2008 كتب:اولا احب ان اعرفكم بنفسى
الاسم: محمد فتحى
السن: 16 سنه
على فكره انا معجب جدا بالمنتدى
انا دلوقتى فى 3 ثانوى
عايز اخش كليه طب او اسنان
هممممممممممممممممممممم !!!!!!
جبت كام فى 2 ثانوى جبت 98
ويا ريت اجيب نفس المجموع فى سنه 3
طبعا بحب الروايات زى ملف المستقبل و ما وراء الطبيعه و فانتازيا
ومعجـــــــــــــــب جدا بروايات هارى بوتر
بحب مين من الممثلين: يحيي الفخرانى واحمد عز وعادل امام واحمد حلمى
ما بحبش اوى الافلام الاجنبى الا الافلام اللى فيها مخلوقات غريبه زى
harry potter و the lord of the rings
الهوايه المفضله: كره القدم والقراءه
السلسله المفضله لدى :ما وراء الطبيعه
بـــــــس كده متهيألى وشكرا

أهلاً بيك يا محمد

كنت بحسب اسمك فتحى .. لكن لقيته اللقب

الأول مبروك على المجموع الجميل فى 2 ثانوى

و إن شاء الله تجيب زيه أو أعلى منه السنة دى

و يا ترى إيه أخبارك فى كرة القدم ..

هنشوفك فى الملاعب قريب ؟

و ليك حق تحب روايات هارى بوتر

فالمؤلفة عبقرية .. و صاغتها بأسلوب رائع .. أمتع من مشاهدة الفيلم

و طبعاً سلسلة ملف المستقبل .. معشوقتى الأولى

اتمنى إنك تعرف تنظم وقتك بين هواياتك و المذاكرة

و أدعو لك بالتوفيق من كل قلبى

مع السلامة

من طرف منى توفيق الثلاثاء نوفمبر 27, 2007 5:27 am

السلام عليكم ورحمة الله وبركاتة
انا منى توفيق (ده اسمى المستعار طبعا)
من مصر
عندى16سنة وفى 2ثانوى عام علمى كيمياء وناوية اكمل رياضة2 ان شاء الله
هواياتى .القراءة والتمثيل
بحب القراءة بوجة عام جدا جدا وخاصة كا مؤلفات دكتور نبيل فاروق وبالذات رجل المستحيل وملف المستقبل
بحب ادهم صبرى ومنى توفيق جدا عشان كده فضلت ان ده يكون اسمى
بحب اتفرج على المسرحيات جدا جدا
وبحب تمثيل عادل امام واحمد الشقا وحلمى ومنى ذكى
ارجو انى مكنش طولت عليكوا
سلاااااااااااااااام

من طرف the-legend الثلاثاء نوفمبر 27, 2007 5:22 pm

السلام عليكم
أنا شكلي أصغر واحد عمري 12
أسكن في المملكة العربية السعودية
هواياتي القراءة و ركوب الخيل والكمبيوتر
أما القراءة أحب المؤلف الغني عن التعريف الدكتور نبيل فاروق وهو بصراحة مصدر فخر لكل العرب
والروايات:
أجاثا كريستي وقد قرأت منها :
جريمة في ملعب الغولف
موت السيدة ماغنتي
جريمة قتل في المعبد
جريمة في قطار الشرق السريع
ثم لم يبق أحد
المتهم البرئ
لقاء في بغداد
في النهاية يأتي الموت
شركاء في الجريمة
خطر في البيت الأخير
الأصبع التحرك
البيت المائل
في فندق بيرترام
الحصان الأشهب
الستارة
القضايا الأخيرة للآنسة ماربل
إنشاء الله ماطفتشوا
أما روايات هاري بوتر قرأت ستة
وحملت السابعه

من طرف hamada8574 الأحد ديسمبر 16, 2007 2:48 am

السلام عليكم انا محمد من اسكندرية عمري 24 سنة انا كنت متابع الموقع ده من زمان وكان عليه سلسلة رجل المستحيل كلها وما وراء الطبيعة وكتب مصطفى محمود واحمد رجب وصلاح جاهين بس للاسف وقتها الوقت مساعدنيش اني الحق انزلهم كلهم زعلت لما ملقيتهومش بعد كده ومدخلتش الموقع تاني وامبارح بس افتكرت الموقع ده ولما فتحته لقيته اتحول منتدى وما شاء الله بقى منتدى تحفة وانشاء الله يكبر عن كده كمان وكمان ويتملى بكتب اكتر وبجد بجد عاز اتعرف كل كل واحد في المنتدى ده ونكون اصدقاء .... يارب مكونش طولت عليكم والسلام عليكم

من طرف hamada8574 الأحد ديسمبر 16, 2007 2:50 am

السلام عليكم انا محمد من اسكندرية عمري 24 سنة انا كنت متابع الموقع ده من زمان وكان عليه سلسلة رجل المستحيل كلها وما وراء الطبيعة وكتب مصطفى محمود واحمد رجب وصلاح جاهين بس للاسف وقتها الوقت مساعدنيش اني الحق انزلهم كلهم زعلت لما ملقيتهومش بعد كده ومدخلتش الموقع تاني وامبارح بس افتكرت الموقع ده ولما فتحته لقيته اتحول منتدى وما شاء الله بقى منتدى تحفة وانشاء الله يكبر عن كده كمان وكمان ويتملى بكتب اكتر وبجد بجد عاز اتعرف كل كل واحد في المنتدى ده ونكون اصدقاء .... يارب مكونش طولت عليكم والسلام عليكم

من طرف bookworm الإثنين ديسمبر 17, 2007 8:13 pm

السلام عليكم جميعا

اهلا وسهلا بيك يا محمد
نورت المنتدى
ازيكوا اصحابى جميعا وحشتونى جدا
ايه اخبار المنتدى وايه الجديد عندكوا
نرمين

من طرف buffy الثلاثاء يناير 08, 2008 12:26 am

ازيكوا يا جماعه وحششششششششششششششششششششششششششششششتونى مووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووت نرمين ومحمد وهيثم وعمرو ايهاب وكلكم كلكم وطبعا برحب بالاصدقاء الجدد واقولهم يا رب المنتدى يعجبكوا ومعلش يا جماعه اعذرونى مش بدخل كتير علشان المذكره والدروس والشغل ده عموما انا بطمن عليكوا ويارب تكونوا بخير وادعوا ليا كتتتتتتتتتتتتتتتتتتير يلا سلام

أهلاً بيكم إخوانى منى توفيق .. و الأسطورة .. و محمد

نورتم المنتدى ...

حقيقى سعيد جداً إنى اتعرفت عليكم

يا رب تسعدوا معانا فى المنتدى .. و تجدون ما تبحثون عنه

و تزيدون ثراء المنتدى بنور أقلامكم

.
.
.

أهلاً بيكم أخواتى نيرمين و سارة

كنت متأكد أنكم على قيد الحياة

لولا بعض الشكوك

انتظر عودتكم بالسلامة إن شاء الله

و انتظر عودة باقى الأصدقاء الأحباب

هيثم و عمرو و إيهاب و محمد و ......

بعد ما الامتحانات تخلص إن شاء الله

يسلمو على الموضوع الحلو

أنا اسمي هدى
صغيرة بالنسبة ألكو
في المدرسة
ادعولي اتوفق
انا من غزة
هواياتي / بحب القراءة وبحب السباحة وبحب ركوب الخيل

وبس خلاص

من طرف almazuona الخميس فبراير 07, 2008 11:45 pm

هاي ياجماعه كيفكوا طبعا أنتوا ماتعرفونيش بس أنا عارفاكو كويس أنا تابعت ردودكم يا ساره ويا رجل المستحيل ويا هيث ويا نرمين وعجبني أسلم عليكم وميرسي كتير على القصص الجميله دي وعلى كل حاجه المنتدى بجد يجنن وأنا أول مره ألقى منتدى أهتملوا بشده .
اه نسيت أنا أسمي ريام من العراق بس بحب أتكلم مصري عمري 13 سنه وبدعوا لبافي أن ربنا يوفقها وتجيب المجموع وتدخل الكليه الي هيه عايزاها أنا أول مره أتعرف على قصص د.أحمد خالد توفيق وقريتلو العلامات الداميه واسطورة نادي الغيلان ودلوقتي بقرا المتحف الأسود .أه أنا نسيت أعرفكوا بهواياتي طبعــــــــــــــــا study

بحب قراءة القصص البوليسيه والرعب والرومانسيه والحزينه وبحب المسلسلات الاجنبيه كتيـــــــــــــــــــر زي فريندز وcharmed وc.s.i وساوينفالد و جيم وwicked scince و ghost whispers وووووو سلسلة طويله مش عايزه أدوخكو بيها وطبعا بحب البرامج الاجنبيه كمان زي so u think u can dance وووغيرها وبحب الأفلام اللغز وكل الأفلام عدا الأكشن أنا في مدرسة ث/المتميزات لبغداد ودي المدرسه الوحيده بالعراق الي بدرس فرنسي والي بيجيب أقل من 80% يتطرد الحمد لله درجاتي كلها تسعينات وحاليا بقرا قصة سجين زندا عندي بس في مكتبة الكتب العاميه في روابط كتيره ما بتشتغل وميرسي كتير نفسي أشوفكوا يوم.

من طرف نوران الثلاثاء مارس 04, 2008 12:29 am

بسم الله الرحمن الرحيم
انا عضوه جديده فى المنتدى .واول مره ادخل منتدى .لانى مكنتش ادخل نت خالص .بس ما شاء الله منتدى جميل ودخولي ليه كان صدفه لان عندي وقت فراغ وحبيت اشغله بحاجه مفيده ليه .وكتبت على جوجل بحث عن قصص وروايات وكان الرابط اللى دخلت عليه هو منتدى روايات ده اكيد من حسن حظي.انا رغايه كده ليه .
عمري 21 سنه .حاصله على ليسانس اداب وتربيه قسم لغه انجليزيه 2007.بكمل دراسات لاني بدعي ربنا انى اكون دكتوره فى الجامعه .وعلى الرغم انى ترتيب على الاداره اكيد مشتغلتش بسبب الوسطه وما الى ذالك .بس مش هيأس انشاء الله ربنا هيكرم.
مش هقول مثقفه وقريت كتب كتير .معدل الثقافه عادي .بس انشاء الله بقدر الامكان اعلي من مستوايه الثقافي.واتمنى انكم تعتبرونى اختكم .وشكرا

من طرف nazo eid الخميس يونيو 05, 2008 2:34 pm

شكرا يا اختي يا شطورة على فكرتك دي في التعارف
على فكرة دا ضروري تعارف الاخوة في المنتدى وانا من صغري بتابع سلسلة المغمرين الخمسة والرجل المستحيلوملف المستقبل
اتمنى موافقة شباب المنتدى على الفكرة