ثقافة العرب فى مقابل الغرب

استعرض الموضوع السابق استعرض الموضوع التالي اذهب الى الأسفل

ثقافة العرب فى مقابل الغرب

مُساهمة من طرف bookworm في السبت سبتمبر 01, 2007 11:16 pm

السلام عليكم ورحمة الله وبركاته
ازيكوا اصدقائى جميعا
اسمحولى انا هتكلم بالعامية
الموضوع دة هو اول مشاركة ليا فى منتدانا (رويات) و
أول مشاركة ليا فى اى منتدى على الإطلاق
الى الهمتنى انى افكر فيه هى الصديقة العزيزة
سارة الشهيرة ب( بافى) والصديق العزيز
محمد أو رجل المستحيل
الى نصحنى انى اخليه موضوع تحت اسمى
الموضوع زى ما هو واضح هو
قديم و انبرى شرح وتوضيح
و طبعا انا هكون مين فى ناقشوه و فكروا فيه
بس انا ليا وجهة مختلفة شوية
احب اولا انى اعرف مفهوم ثقافة
إحنا ولا هما
هما ولا احنا
احب ارجع معاكوا بذاكرتى لورا كتير
مش فاكرة من قد ايه بس لما تقريبا كنت فى اولى ثانوى
كنت قريت فى الفترة دى
مقالة للمؤلف العتيد
د/نبيل فاروق فى سلسلة كوكتيل 2000
كانت بالتحديد بتتكلم على على تقليد الشباب
المصرى/العربى عاما للشباب الأمريكى
التقليد الغبى ، فى كل السلبيات
على اساس ان الأمركي هو النموذج المثالى للشباب
المهم احسن جزء عجبنى هو
لما عقد مقارنا ما بين الشاب العربى و الامريكى
الشاب الأمريكى الى احنا شايفينه روش ولذيذ،
بياكل همبورجر وكلاب سخنة ويشرب بيبسى
و بيخرج ويرقص ويصاحب
الا انه بيعرف ازاى يحترم الوقت
وبيطحن شغل طول خمس ايام كاملة فى الاسبوع
، بيعرف فيهم اهمية الالتزام و و احترم الوقت والعمل
عشان كدة بيعرف اهميه الأجازة
و بيمتع نفسه فيها
حقه الصراحة
الشاب الأمريكى بيسيب بيت اهله بعد سن
ا18 او حتى 16 سنة عشان يعتمد على نفسه
و يشتغل ويجيب مصاريف الجامعة و يستقل بحياته عن اهله
عشان كدة بيعرف اهمية الأعتماد على النفس
و التحول من شخص مستهلك
لشخص منتج
نيجى بقا للشاب العرب
طبعا انا مش محتاجة اشرح
الفرق على ما اعتقد واضح
المشكلة اننا ما بنخدش من الغرب غير ما هو سئ وقبيح
على اساس ان دة هيخلينا متطورين
و متقدمين
بس للأسف
الشباب العربى
بيتفسح و يستهتر ويستريح طول الأسبوع
و بعد كدة يطالب بحقه فى الراحة يوم الأجازة
الموضوع متشعب وطويل
بس عاوزة اوضح حاجة مهمة جدا
كلمة الثقافة
عنوان الموضوع
مش معناها القراية و المطالعة
و المعرفة بس ،لكن الثقافة هى اسلوب حياة .
احب اشوف تعلقكم على الموضوع
يلا مستنيا احتدام المناقشة
سلاااااام



avatar
bookworm
عضو نشيط
عضو نشيط

عدد الرسائل : 53
العمر : 31
محل الإقامة : Cairo
تاريخ التسجيل : 29/06/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ثقافة العرب فى مقابل الغرب

مُساهمة من طرف رجل المستحيل في الأحد سبتمبر 02, 2007 7:21 pm

السلام عليكم ..
ازيك يا نيرمين .. إيه أخبارك ..
الحمد لله إن قدرتى تضيفى الموضوع ..
عقبال ما نشوف مواضيعك مالية المنتدى ..
فعلاً زى ما قلتى .. موضوع مقارنة الثقافة واسع جداً .. و محتاج العديد من المناقشات ..
و اعتقد إن اختيارك للموضوع ده موفق جداً لئن فعلاً فى كتير من الشباب العربى مش عارف يعنى إيه ثقافة ..
و مش عارف إيه الفرق بينى و بين الشاب الغربى ..
و يا ترى مين فينا أفضل ..
و إزاى ممكن أنجح و أبقى زيه أو أحسن منه ..
بالنسبة لوجهة نظرك فى الشاب العربى .. إنه بيرتاح طول الأسبوع و ييجى فى الآخر يطلب أجازة ..
هى حقيقة فعلاً فى معظم الشباب العربى للأسف ..
و الأسف مش عليهم بس .. أكيد عليا أنا كمان بصفتى شاب عربى بطالب بأجازة آخر الأسبوع ..
فى المقابل فعلاً نجد الشاب الغربى ينهى كل ما عليه من عمل و أكثر قبل أن يطالب براحة ..
يركز العمل فى وقت العمل .. و يستمتع بوقته فى وقت الراحة ..
فعلاً .. لو الواحد استخدم وقت العمل كله فى العمل باتقان .. هيلاقى عنده وقت فراغ كبير يعمل فيه كل حاجة ..
و فعلاً زى ما قلتى الثقافة مش بس القراءة ..
الثقافة هى كل حاجة بتشكل شخصية الإنسان .. و منها بتكون وجهته فى الحياة ..
من قراءة و تربية و بيئة و أهل و أصدقاء و وطن ودين ..
يعنى ثقافة العالم الغربى و إصرارهم على إتقان العمل هى اللى فرضت نفسها على المواطنين ..
و هى دى اللى ممكن نقلدها و نحاول نكون زيها ..
و بالنسبة للثقافة المكتسبة من البيئة و التربية ..
فبالتأكيد إحنا المقصر الأول فيها ..بخوفنا الشديد على أولادنا و عدم ثقتنا فيهم ..
فنحاول أن نتحكم فيهم و أن نسيطر عليهم حتى بعدما تجاوزوا العشرين ..
إنما بالنسبة للثقافة الدينية ..
فبالتأكيد إحنا أفضل من الغرب بكتير ..
بإسلامنا و قيمنا و مبادئنا .. و بحياتنا الإجتماعية المترابطة الجميلة ..
قصدى فى الآخر إن إحنا نقتدى بالغرب فى عمله و إتقانه و إخلاصه ..
مع الالتزام بمبادئ وتعاليم ديننا الحنيف

avatar
رجل المستحيل
مدير المنتدى
مدير المنتدى

عدد الرسائل : 305
تاريخ التسجيل : 19/06/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ثقافة العرب فى مقابل الغرب

مُساهمة من طرف naloxan في الأحد نوفمبر 11, 2007 11:10 pm

bookworm كتب:

احب اولا انى اعرف مفهوم ثقافة
إحنا ولا هما
هما ولا احنا
******
بس للأسف
الشباب العربى
بيتفسح و يستهتر ويستريح طول الأسبوع
و بعد كدة يطالب بحقه فى الراحة يوم الأجازة
*********
كلمة الثقافة
عنوان الموضوع
مش معناها القراية و المطالعة
و المعرفة بس ،لكن الثقافة هى اسلوب حياة .




انا عاوز في البداية اشكر صاحب/ة المقال ... واتفق معه ان الثقافة هي اسلوب حياة ... ولكن اختلف حين نضع اللوم على شاب عاطل عن العمل او يعمل في بيئة من الفساد السياسي والبعيدة كل البعد عن قيمنا واخلاقنا الاصيلة .. فهذا الشاب ( واقصد بالشاب كل مواطن عربي ) ضحية لصراع حقيقي بين الحضارات ... وللاسف فقد كانت امتنا هي المهزوم بهذا الصراع ... حتى الشباب الاوربي مر بفترات كانت ربما اصعب مما نحن عليه الان ..
ولذا يمكن القول إن الشبان لايملكون إمكانات الضغط والإستحواذ على وسائل السلطة الأمر الذى أدى إلى تهميش دورهم وتحويلهم إلى تابعين للسلطة وليس محركين لها.... وهذا أول معضلة وأزمة فى المشاركة السياسية إذ لايمكن أن يبدأ ويستمر عطاؤهم إلا عندما يصبح فى قدرة الإدارة الشعبية توجيه الإرادة السياسية .
يعني خلاصة القول ما نعيشه الان ليس ثقافتنا هو هو اثار الاستعمار الفكري والثقافي الناشئ عن الوضع المهزوم للامة .... وبمعنى اخر الموضوع ليس موضوع ثقافة بقدر ما هو موضوع للصراع بين الحضارات...

ارجو ان لا يفسد الخلاف جو المودة .... فانا اكن كل الاحترام والتقدير للاخوة bookworm و رجل المستحيل..



naloxan
عضو نشيط
عضو نشيط

عدد الرسائل : 68
العمر : 49
محل الإقامة : الاردن
تاريخ التسجيل : 08/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى