ما وراء الطبيعه

من طرف buffy في الإثنين أغسطس 20, 2007 2:31 am

صباح الخير يا جماعه انا عندى موضوع جديد ليكوا نظرا ان فى ناس كتتتتتتتتتتتتتتتتتتتتتتتتتتتتتتتتتتتتتتير بيحبوا ما وراء الطبيعه انا بقترح ان كل واحد فينا يقول اسم قصه منها ونشوف ايه اراء اعضاء المنتدى فيها ومين حبها ومين محبهاش ومين عنده تعليق عليها ومين مش فهمها اصلا وكدا يعنى ايه رايكوا فى الموضوع وعموما انا هبتدى واقول اسم اول قصه ولو الموضوع عجبكوا ادخلوا قولوا رايكوا ماشى

هااااااااااااااااااااااااااااااا الواحد محتار يقول اسم اسطوره ايه اسطوره ايه امممممممممممممممممممممممممممممممممم

اه ايه رايكوا فى اسطوره نادى الغيلان

أهلاً بافى ..

ازيك .. يا رب تكونى بخير ..

فعلاً الفكرة جميلة .. و الأستاذ أحمد خالد كاتب رائع

أنا مكنتش غاوى ما وراء الطبيعة قوى ..

لكن إن شاء الله سأقرأها لأستطيع المشاركة معكم فى الموضوع

و عندى هدية عشان الكل يقدر يشارك معانا فى المناقشة

أى عدد سيوضع للنقاش سأقوم برفعه ليتمكن الجميع من قراءته

و النهاردة معانا إن شاء الله أسطورة نادى الغيلان

اضغط هنا للتحميل

من طرف buffy في الإثنين أغسطس 20, 2007 11:09 am

فعلا فكره حلوه جدا علشان اللى مش قرأ الروايه يقرائها ويشارك معانا وبعدين ازاى مبتحبش ما وراء الطبيعه انا كده زعلت لازم تقرائها علشان هى تحفه و على العموم اللى بيحب السلسله يدخل ويشارك معانا مستنيه رايكوا

من طرف silver_hawk0018 في الإثنين أغسطس 20, 2007 12:00 pm

هاى يا جماعة
هى الاسطورة دى جامدة جدا لان فيها رعب كتير كمان الاحداث فيها متناسقة وتخليك متشوق عشان تعرف ايه اللى هيحصل بعد كدا وانا فى رايى ان نادى الغيلان واحدة من افضل الاساطير اللى كتبها د.احمد خالد توفيق ونهايتها حلوة اوى كمان
ولا انتوا ايه اريكم..؟؟؟

من طرف silver_hawk0018 في الإثنين أغسطس 20, 2007 12:02 pm

اة نسيت ميرسى ليكى يا بافى على الموضوع الحلو ويا رجل المستحيل على الاعداد اللى انتى هتمدنا بيها مقدما

من طرف buffy في الإثنين أغسطس 20, 2007 12:11 pm

فعلا يا هيثم اسطوره نادى الغيلان حلوه جدددددددددددددددددددددا واكتر حاجه شده الواحد فيها انه فى اول القصه لما اتكلم عن غاده وبعدين قطع كنت هتموت وتعرف ايه اللى حصل ليها وبعدين فكره استديو هاله ديه كانت تحفه وفعلا فى رايى ان ديه اكتر اسطوره اعتمد فيها على فكره تشويق القارىء علشان يعرف ايه اللى هيحصل بعد كده وهى عموما اسطوره جامده موت ولا حد له راى تانى Question

buffy كتب:
فعلا فكره حلوه جدا علشان اللى مش قرأ الروايه يقرائها ويشارك معانا وبعدين ازاى مبتحبش ما وراء الطبيعه انا كده زعلت لازم تقرائها علشان هى تحفه و على العموم اللى بيحب السلسله يدخل ويشارك معانا مستنيه رايكوا

أنا مقلتش حاجة .. هى فعلاً تحفة ..

و قلت كمان إن د أحمد خالد عبقرى ..

لك أنا اللى كنت مكسل عنها شوية .. عشان كنت بقرأ روايات و كتب تانية

أنا هقرأ نادى الغيلان و أقولكم رأيى النهاردة إن شاء الله ..

حاولوا متتنقلوش لأسطورة تانية إلا لما آجى ..

سلام

من طرف silver_hawk0018 في الإثنين أغسطس 20, 2007 12:45 pm

اوكى واحنا قاعدين مستنيين رايك وخد راحتك فى القراية عشان تستمتع بالاسطورة الجامدة دى

انا اترعبت اوى فى النقطة بتاعة الراجل الغالبان اللى كان بيصلح بوابير الجاز لما كان مستخبى وهما بياكلوا

بجد كانت نقطة جامدة اوى

من طرف buffy في الإثنين أغسطس 20, 2007 9:46 pm

واللهى يا هيثم بصراحه انا مش خفت خالص وانا بقرأ اى اسطوره من وراء الطبيعه وديه مش لانى معنديش دم بس بتهيأ ليا انه من كتر ما اتفرجت على افلام اجنبى رعب معدتش بحس انى خايفه بس خير ان شاء الله

هااااااااااااااااااا يا محمد خالصت الاسطوره ولا لسه شويه Question

كويس يا بافى .. لقينا فايدة لأفلام الرعب إنها بتقوى القلب ..

معلش يا جماعة مقدرتش آجى امبارح لأنى ملقيتش وقت أقرأها غير بليل خالص ..

خلصتها و صليت الفجر و نمت ..

الأسطورة طلعت روعة بجد ..

إعجابى بدكتور أحمد خالد بيزداد مع كل رواية بقرأها له

و أعتقد إنه بيستخدم أسلوب البرمجة اللغوية العصبية فى (NLP) فى الكتابة

لاحظت كده فى مكانين ..

الأول : فى الحوار التانى اللى دار بين عامر و رفعت

لما كرر على مسامعه العديد من حوادث أكل لحوم البشر فى العالم حتى يقتنع بها عقله الباطن (ص 170 : 172)

التانى : فى ص 187 لما وصف حالة الذعر اللى كانت فيها غادة

ثم كرر عبارة أنت تشعر بالعجز و الرعب ..

ليصف حالة غادة .. و يبرمج القارئ المندمج فى الرواية على استقبال العبارة و التأثر بيها ..

حتى يشعر القارئ هو أيضاً بالرعب

و لاحظت كده فى أماكن تانية .. لكن مش هعرف أتكلم عليها الوقتى

بالإضافة لجرأة الدكتور خالد الرائعة فى ذكر أى مصدر يقتبس منه جزء من الرواية ..

و هذا لا يزيده إلا احترام و تقدير فى أعين القراء ..

عموماً .. أنا فعلاً أعجبت بالسلسلة و هتابعها إن شاء الله

على فكرة أنا كتبت باللون الأحمر مع إنى مبحبوش فى الكتابة عشان جو الدم اللى كان فى الرواية

سلام

ما وراء الطبيعه

ما وراء الطبيعه

رد: ما وراء الطبيعه

رد: ما وراء الطبيعه

رد: ما وراء الطبيعه

رد: ما وراء الطبيعه

رد: ما وراء الطبيعه

رد: ما وراء الطبيعه

رد: ما وراء الطبيعه

رد: ما وراء الطبيعه

رد: ما وراء الطبيعه